బిచ్కుంద మున్సిపల్ కార్యాలయం వద్ద రోడ్డుపై విరిగి పడ్డ చెట్టు కొమ్మ ద్విచక్ర వాహనంపై వెళ్తున్న ఇద్దరికి గాయాలు .
Views : 376
అక్షర విజేత బిచ్కుంద
కామారెడ్డి జిల్లా బిచ్కుంద మండల కేంద్రంలోని మున్సిపల్ కార్యాలయం వద్ద చెట్టుకొమ్మ హఠాత్తుగా విరిగి పడింది. అటువైపు నుండి ద్విచక్ర వాహనంపై వెళ్తున్న వారిపై పడడంతో ఇద్దరు యువకులకు గాయాలయ్యాయి. అనంతరం వారిని ప్రభుత్వ ఆసుపత్రికి తరలించారు, ఎలాంటి ప్రాణాపాయ ప్రమాదం లేదన్నారు. స్కూల్ పిల్లలు, ప్రయాణికులు ఎవరైనా వెళ్లే సమయంలో పడితే పెద్ద ఎత్తున ప్రమాదం జరిగేదని ప్రజలు తెలిపారు. మున్సిపల్ అధికారులు స్పందించి చెట్టును పూర్తిగా తొలగించాలని వారు కోరుతున్నారు.
