*హల్ది కాలువలో పరిశ్రమ వ్యర్ధాల పారబోత* - *కొర్టెవా అగ్రిసెన్స్ ఇండియా ప్రైవేట్ లిమిటెడ్ పరిశ్రమ నిర్వాకం* - *ఏం రాసుకుంటారో రాసుకోండి : ట్రాక్టర్ డ్ర
*అక్షర విజేత మాసాయిపేట, :*
మెదక్ జిల్లా మాసాయిపేట గ్రామంలోని సర్వే నంబర్ 455, 476, 477, 488లో ఉన్న కొర్టెవా అగ్రిసెన్స్ ఇండియా ప్రైవేట్ లిమిటెడ్ పరిశ్రమ వ్యర్ధాలను గ్రామంలో డంపింగ్ యార్డు పక్కనున్న హల్ది కి అనుసంధాన కాలువలో టీఎస్ 35 టి 2889 అనే నంబర్ గల ట్రాక్టర్ లో పారిశ్రామిక వ్యర్థాలను తీసుకువచ్చి పారవేస్తూ రోజు రోజుకు భరితెగింపు చర్యలకు పాల్పడుతుంది. కొర్టెవా అగ్రిసెన్స్ ఇండియా ప్రైవేట్ లిమిటెడ్ పరిశ్రమలో తయారవుతున్న వ్యర్థ వస్తువులను పరిశ్రమలో నుంచి నేరుగా కాలువలో పారవేస్తున్నారు. దీంతో పరిశ్రమలోని కాలుష్య వ్యర్థ పదార్థాలను కాలువలో పారబోయడం పట్ల పలువురు గ్రామస్తులు, రైతులు తీవ్ర ఆగ్రహం వ్యక్తం చేస్తున్నారు. నిత్యం వ్యర్థ పదార్థాలను బయటికి వదులడంతో స్థానిక ప్రజల అనారోగ్య సమస్యలకు ప్రధాన కారణంగా నిలుస్తున్నారు. ఇలా బరితెగింపు చర్యలకు పాల్పడుతున్న పరిశ్రమ యాజమాన్యం పై సంబంధిత రెవెన్యూ, పొల్యూషన్ శాఖల అధికారులు చట్టరీత్యా చర్యలు తీసుకొని ఇలాంటి చర్యలు పునరావృతం కాకుండా చూడాలని గ్రామ ప్రజలు కోరుతున్నారు.ఈ చెత్తను కాలువలో పడేయమని మా కంపెనీ సార్ చెప్పిండు నేను పడేసిన. సార్ కి ఫోన్ చేస్తే ఏం రాసుకుంటారో రాసుకోండని మా సార్ చెప్తున్నాడు అని డ్రైవర్ తెలిపాడు.కొర్టెవా అగ్రిసెన్స్ ఇండియా ప్రైవేట్ లిమిటెడ్ పరిశ్రమ వ్యర్ధాలను కాలువలో పారబోస్తున్నారు అనే విషయం గ్రామపంచాయతీ సిబ్బందికి తెలియదు. మా సిబ్బందిని పంపి వివరాలు సేకరించి పరిశ్రమపై తగిన చర్యలు తీసుకుంటాం అని పంచాయతీ సెక్రెటరీ తెలపడం జరిగింది.
