ఆయిల్ పాం సాగుపై అవగాహన కార్యక్రమం: ఉద్యాన శాఖ జిల్లా అధికారి:వేణుగోపాల్ రావ్
అక్షర విజేత:మిడ్జిల్
మహబూబ్నగర్ జిల్లా మిడ్జిల్ మండల కేద్రం రైతు వేదికలో ఉద్యాన శాఖ , ప్రాథమిక సహకార సంఘం మరియు ప్రి యూనిక్ ఇండియా ప్రైవేటు లిమిటెడ్ వారి ఆధ్వర్యంలో ఆయిలపామ్ పంట సాగు పైన రైతులకు అవగాహనా సదస్సు నిర్వహించడం జరిగింది.. కార్యక్రమంలో పి ఏ సి ఎస్ ఛైర్మెన్ శ్రీనివాస్ రెడ్డి , ఉద్యాన శాఖ జిల్లా అధికారి వేణుగోపాల్ , జిల్లా కోపరేటివ్ ఆఫీసర్ కృష్ణ ఉద్యాన అధికారి బి. మహేందర్ , అసిస్టెంట్ రిజిస్టర్ పి ఏ సి ఎస్ వేణుగోపాల్ మరియు ప్రీ యూనిక్ ఇండియా ప్రైవేట్ లిమిటెడ్ సంస్థ ఏరియా మేనేజర్ బాలరాజు , మండల వ్యవసాయ శాఖ విస్తరణ అధికారులు, రైతులు పాల్గొన్నారు. ఈ కార్యక్రమంలో ఉద్యాన శాఖ జిల్లా అధికారి వేణుగోపాల్ మాట్లాడుతూ పంట సాగులో పాటించవలసిన నీటి యాజమాన్యం, ఎరువుల యాజమాన్యం మరియు మూడు సంవత్సరాలు దాటినా కాపుకి వదిలిన ఆయిలపామ్ తోటలలో తీసుకోవాల్సిన జాగ్రత్తలు క్రొత్తగా వేయదలచిన రైతులకు ప్రభుత్వం అందించే రాయితీ గురించి వివరించారు.. ఆయిలపామ్ పంటకు ప్రభుత్వం డ్రిప్ మరియు మొక్కలకు, నాలుగు సంవత్సరాల వరకు అందిస్తున్న సహకారాన్ని, ఆయిల్ పామ్ వల్ల కలిగే లాభలను దృష్టిలో ఉంచుకొని ఆసక్తి ఉన్న రైతులు ఆయిలపామ్ పంట వేసుకోవాల్సిందిగా సూచించారు.. పిఎసిఎస్ చైర్మన్ శ్రీనివాస్ రెడ్డి మాట్లాడుతూ ప్రాథమిక సహకార సంఘం వార్షిక ఉత్సవాల్లో భాగంగా ఉద్యాన శాఖ పిఎసిఎస్ ఆధ్వర్యంలో మన రైతు వేదికలో ఆయిల్ ఫామ్ పై శిక్షణ కార్యక్రమం నిర్వహించడం జరిగిందని అలాగే ప్రభుత్వం అందిస్తున్నటువంటి రాయితీలు రైతులు ఉపయోగించుకోవాలని అలాగే సహకార సంఘం నుంచి కూడా లోన్ ఇవ్వడం జరుగుతుందని తెలిపారు, జిల్లా కోపరేటివ్ ఆఫీసర్ కృష్ణ మాట్లాడుతూ మన దైనందిన జీవితంలో వంట నూనె కు చాలా ప్రాముఖ్యత ఉందని అందులో ఆయిల్ ఫామ్ లేనిది పూట గడవని పరిస్థితి నెలకొందని అందువల్ల దేశంలో నూనె పంటలకు చాలా డిమాండ్ ఉందని తెలపడం జరిగింది కావున ఆయిల్ పామ్ వేయదలుచుకున్న రైతులు ఉద్యాన శాఖను సంప్రదించి తోటలు పెట్టుకోవాలని సూచించారు. అలాగే అసిస్టెంట్ రిజిస్టర్ ప్రాథమిక సహకార సంఘం మిడ్జిల్ వారు మాట్లాడుతూ ప్రభుత్వం అందించే రాయితీలు సద్వినియోగం చేసుకోవాలని సూచించడం జరిగింది. ఈ యొక్క కార్యక్రమంలో మండల రైతులు పాల్గొన్నారు.
కంపెనీ జిల్లా మేనేజర్ మాట్లాడుతూ ప్రస్తుతం జిల్లాలో ఆయిలపామ్ గెలలు కలెక్షన్ సెంటర్స్ ద్వారా సేకరించి రైతుల ఖాతాలో వారం రోజుల్లో డబ్బు జమచేస్తున్న విధానాన్ని వివరించారు.. ఇట్టి కార్యక్రమంలో ఆయిలపామ్ పంట వేసుకున్న రైతులు, ఆయిలపాల్ పంట వేసుకోవడానికి ఉత్సహంగా ఉన్న రైతులు, ఉద్యాన శాఖా అధికారి మరియు ఆయిల్ పామ్ కంపెనీ
సిబ్బందిని సంప్రదించి పంట వేసుకోవాలని కోరారు.
ఈ కార్యక్రమంలో రైతులు వెంకట్ రెడ్డి, లింగమయ్య గౌడ్, యాదయ్య తదితరులు పాల్గొన్నారు.
