సన్న వడ్ల బోనస్‌ను రైతు ఖాతాలో వెంటనే జమ చేయాలి టిఆర్ఎస్ ఆత్మ కమిటీ మాజీ అధ్యక్షులు మెదక్ జిల్లా సాయి రెడ్డి
అక్షర విజేత మెదక్
యాసంగి, వానకాలం రెండు సీజన్లలో సన్న వరి సాగుకు ప్రకటించిన బోనస్ రైతుల ఖాతాల్లో వీలైనంత త్వరగా జమ చేయాలని మెదక్ జిల్లా టీఆర్‌ఎస్ పార్టీ ఆత్మ కమిటీ మాజీ అధ్యక్షులు సాయి రెడ్డి ప్రభుత్వాన్ని కోరారు. క్వింటాల్ కు రూ.500 చొప్పున — యాసంగికి రూ.500, చొప్పున వానకాలానికి మరో రూ.500 కలిపి, మొత్తం రూ.1000 బోనస్‌ను అందజేస్తే రైతులకు పెద్ద ఉపశమనం లభిస్తుందని ఆయన అభిప్రాయపడ్డారు.
తెలంగాణలో పలు ప్రాంతాల్లో సన్న వరి సాగు రైతుల ముఖ్య ఆదారాం. వర్షాభావం, ఖర్చుల పెరుగుదల, శ్రమతో కూడిన వ్యవసాయ విధానంలో రైతులు పండించిన ధాన్యానికి బోనస్ రూపంలో ప్రభుత్వం చేస్తున్న సాయాన్ని వారు ఎంతో ఆశగా ఎదురుచూస్తున్నారని ఆయన తెలిపారు. వ్యవసాయానికి వచ్చిన ఖర్చులను సర్దుబాటు చేసుకుని, కొత్త సాగు పనులు ప్రారంభించేందుకు ఈ బోనస్ రైతులకు బలమైన ఆర్థిక తోడ్పాటు అవుతుందని అన్నారు.
రైతులు పంట పండించడమే కాకుండా, వర్షాలు, కార్మికులు, విత్తనాలు, ఎరువులు వంటి అనేక అంశాలను ఎదుర్కొంటారని ఆయన వివరించారు. ఈ నేపథ్యంలో ధాన్యం అమ్మకాల అనంతరం రావాల్సిన బోనస్ త్వరగా అందితేనే వ్యవసాయ చక్రం సజావుగా కొనసాగుతుందని చెప్పారు.
సాయి రెడ్డి మాట్లాడుతూ
“రైతులు అన్నదాతలు. వారు ఆరోగ్యంగా, ఆర్థికంగా బలంగా ఉంటేనే రాష్ట్రపు అభివృద్ధి బలపడుతుంది” అని అన్నారు.
రైతులకు బోనస్ సమయానికి అందిస్తే—అప్పు భారం తగ్గుతుంది
తదుపరి పంట ప్రణాళికలు సాఫీగా సాగుతాయి కుటుంబ అవసరాలు తీర్చుకోవచ్చు
మార్కెటింగ్‌పై నమ్మకం పెరుగుతుంది అన్నారు
