*సినిమా హాల్లో పగటి పూట దోపిడి** 

– ‘ఐబొమ్మ’ రవికి జనం ఎందుకు జై కొడుతున్నారు?

– రీల్ హీరోలు... రియల్ దోపిడీదారులు?

– థియేటర్లో పాప్‌కార్న్ రూ. 400, కూల్ డ్రింక్ రూ. 200! 

– ఇది వ్యాపారమా? పగటి పూట దోపిడీనా?

– దొంగలు ఏసీ గదుల్లో ఉన్నారు.. ఐబొమ్మ రవి జైల్లో ఉన్నాడు!" 

– థియేటర్ల దోపిడీపై తీన్మార్ మల్లన్న నిప్పులు

థియేటర్లో పాప్‌కార్న్ రూ. 400, కూల్ డ్రింక్ రూ. 200! ఇది వ్యాపారమా? పగటి పూట దోపిడీనా? తెర మీద నీతులు చెప్పే "సో కాల్డ్ హీరోల" థియేటర్లలోనే ఈ అరాచకం ఎక్కువ. అందుకే సామాన్యుడు థియేటర్ వదిలేసి 'ఐబొమ్మ' రవికి జై కొడుతున్నాడు.దోపిడీ ఆపండి.. లేదా థియేటర్లు మూసుకోండి! దొంగలు ఏసీ గదుల్లో ఉన్నారు.. ఐబొమ్మ రవి జైల్లో ఉన్నాడు!" - థియేటర్ల దోపిడీపై తీన్మార్ మల్లన్న నిప్పులు.

అక్షరవిజేత ఎడిటర్ డా.బి,అనిల్ కుమార్:

ఒకప్పుడు సినిమా అంటే సామాన్యుడి వినోదం. వారం అంతా కష్టపడి, ఆదివారం భార్యాపిల్లలతో కలిసి వందల్లో పనికానిచ్చేసే చిన్నపాటి ఆనందం. కానీ ఇప్పుడు? ఇప్పుడు సినిమాకు వెళ్లాలంటే ఒక మధ్యతరగతి జీవి గుండె దడదడలాడుతోంది. కారణం టికెట్ రేట్లు కాదు... థియేటర్ క్యాంటీన్లలో జరుగుతున్న నిలువు దోపిడీ!

 *పాప్‌కార్న్ రేటు... టికెట్ కంటే డబుల్* 

థియేటర్లోకి వెళ్లే సామాన్యుడిని నిర్వాహకులు ఒక వినియోగదారుడిలా కాకుండా, దొరికినంత దోచుకునే బకరాగా చూస్తున్నారు.బయట మార్కెట్లో రూ. 20 ఉండే కూల్ డ్రింక్ లేదా వాటర్ బాటిల్, లోపల రూ. 100 దాటుతోంది.పది రూపాయల ముక్కజొన్న పొత్తుని, మెషీన్లో వేసి ‘పాప్‌కార్న్’ అని పేరు పెట్టి రూ. 300 నుండి రూ. 500 వరకు అమ్ముతున్నారు.ఇంటి నుండి తెచ్చుకున్న స్నాక్స్ అనుమతించరు. లోపల కొందామంటే ఆస్తులు అమ్ముకోవాలి.నిర్వాహకులను ప్రశ్నిస్తే.. "ఇష్టం ఉంటే కొను.. లేకపోతే మాను" అన్నట్లుగా మితిమీరిన ప్రవర్తన.ఇది కేవలం వ్యాపారం కాదు, సామాన్యుడి జేబుకి చిల్లులు పెట్టే ఆర్గనైజ్డ్ క్రైమ్ లా మారుతోంది.

 *రీల్ హీరోలు... రియల్ దోపిడీదారులు?* 

ఇక్కడ విడ్డూరం ఏమిటంటే, తెర మీద పేదవాడి పక్షాన నిలబడి, అన్యాయాన్ని ఎదిరించే "సో కాల్డ్ హీరోలు" నిజ జీవితంలో మల్టీప్లెక్స్‌లు కట్టి పేదవాడి రక్తం తాగుతున్నారు.సమాజానికి నీతులు చెప్పే స్టార్ హీరోల థియేటర్లలోనే ఈ దోపిడీ ఎక్కువగా సాగుతోంది.అభిమానులు తమ హీరో సినిమా అని ఆరాధనతో వెళ్తే, ఆ హీరోల థియేటర్ యాజమాన్యం మాత్రం అభిమానులను కస్టమర్లుగా మార్చేసి జేబులు గుల్ల చేస్తోంది.అందుకే 'ఐబొమ్మ' రవి హీరో అయ్యాడు.ఇలాంటి పరిస్థితుల్లోనే జనానికి "ఐబొమ్మ" (iBomma) ఒక ఆశాకిరణంలా కనిపిస్తోంది. ఇండస్ట్రీ వర్గాలు ఐబొమ్మ రవిని పైరసీ దారుడిగా, నేరస్తుడిగా చూస్తుండవచ్చు. కానీ సామాన్య జనం మాత్రం అతన్ని తమకు మేలు చేసే వాడిగానే చూస్తున్నారు.

 *ఎందుకు జనం ఐబొమ్మ రవికి మద్దతు ఇస్తున్నారు?* 

ఆర్ధిక భారం లేదు రూ. 2000 ఖర్చు పెట్టి థియేటర్లో దోపిడీకి గురయ్యే బదులు, ఇంట్లో కూల్చుని ప్రశాంతంగా సినిమా చూసే అవకాశం కల్పిస్తున్నాడు.థియేటర్ల దోపిడీకి వ్యతిరేకంగా జనం ఎంచుకున్న పరోక్ష నిరసన ఇది.అధిక ధరలతో సామాన్యుడిని థియేటర్లకు దూరం చేసిన పాపం ముమ్మాటికీ థియేటర్ యాజమాన్యానిదే.ప్రజలు సినిమాను ప్రేమించడం మానేయలేదు, కేవలం థియేటర్ల దోపిడీని అసహ్యించుకుంటున్నారు. "ఐబొమ్మ" రవి లాంటి వారు పుట్టుకురావడానికి కారణం... థియేటర్ల యాజమాన్యం, స్టార్ హీరోల అత్యాశే.ఇప్పటికైనా ఈ "కాస్ట్లీ దోపిడీ" ఆపకపోతే, థియేటర్లు మ్యూజియంలుగా మారిపోతాయి. సామాన్యుడికి అందుబాటులో లేని వినోదం, ఎంత పెద్ద హీరోదైనా సరే... అది వృధానే! రీల్ హీరోలా? లేక ఐబొమ్మ రవినా? అసలు ప్రజల మనిషి ఎవరు? ఒకప్పుడు సినిమా అంటే సామాన్యుడి ఆనందం.. ఇప్పుడు సినిమా హాల్ అంటే ఒక భయం! ఎందుకంటే...దోపిడీ దర్బార్ టికెట్ రేటు రూ. 150 అయితే, లోపల పాప్‌కార్న్ రేటు రూ. 400.వాటర్ బాటిల్ అడిగితే అమృతం అమ్మినట్లు రేట్లు చెప్తున్నారు. సామాన్యుడి ఆకలిని క్యాష్ చేసుకునే వ్యాపారం సో కాల్డ్ హీరోలది.తెర మీద పేదవాడి కోసం ఫైట్లు చేసే స్టార్ హీరోలు.. నిజ జీవితంలో మల్టీప్లెక్స్‌లు కట్టి, అదే పేదవాడి జేబులు గుల్ల చేస్తున్నారు. ప్రశ్నిస్తే నిర్వాహకుల నుండి దురుసు సమాధానాలు!

 *అందుకే ఐబొమ్మ రవి హీరో అయ్యాడు* 

వేల రూపాయలు తగలేసే బదులు, రూపాయి ఖర్చు లేకుండా ఇంట్లో వినోదాన్ని ఇస్తున్న ఐబొమ్మ రవి అంటే జనానికి అందుకే అంత అభిమానం. ఇది పైరసీ మీద ప్రేమ కాదు.. థియేటర్ల దోపిడీ మీద ఉన్న అసహ్యం.ప్రజలను దోచుకునే వారు హీరోలా? లేక ప్రజల జేబులు కాపాడేవాడు హీరోనా? మీరే చెప్పండి! థియేటర్లో పాప్‌కార్న్ రూ. 400, కూల్ డ్రింక్ రూ. 200! ఇది వ్యాపారమా? పగటి పూట దోపిడీనా? తెర మీద నీతులు చెప్పే "సో కాల్డ్ హీరోల" థియేటర్లలోనే ఈ అరాచకం ఎక్కువ. అందుకే సామాన్యుడు థియేటర్ వదిలేసి 'ఐబొమ్మ' రవికి జై కొడుతున్నాడు.దోపిడీ ఆపండి.. లేదా థియేటర్లు మూసుకోండి!

 *"దొంగలు ఏసీ గదుల్లో ఉన్నారు.. ఐబొమ్మ రవి జైల్లో ఉన్నాడు!"* - – థియేటర్ల దోపిడీపై తీన్మార్ మల్లన్న నిప్పులు

సాధారణంగా రాజకీయ నాయకులు సినిమా వాళ్ల జోలికి వెళ్లడానికి భయపడతారు. కానీ, "తీన్మార్ మల్లన్న" (Teenmaar Mallanna) శైలి వేరు. ఎక్కడ సామాన్యుడికి అన్యాయం జరిగితే అక్కడ ఆయన గొంతు వినిపిస్తుంది. ఇప్పుడు ఆ గొంతు.. సినీ పరిశ్రమలో జరుగుతున్న "కార్పొరేట్ దోపిడీ"పై గట్టిగా నినదించింది. 'ఐబొమ్మ' (iBomma) రవి అంశంలో మల్లన్న చేసిన వ్యాఖ్యలు ఇప్పుడు సోషల్ మీడియాలో ఓ సంచలనం, సామాన్యుడి పాలిట అక్షర సత్యం.

 మల్లన్న మాటల్లో వాస్తవం: అసలు దొంగ ఎవరు?

ఐబొమ్మ రవి అరెస్టును ఖండిస్తూ మల్లన్న లేవనెత్తిన పాయింట్లు సూటిగా గుండెలకు తగిలాయి."సినిమా టికెట్ 200.. పాప్ కార్న్ 500. ఇది దోపిడీ కాదా? ఈ దోపిడీ చేసేవాళ్లు దర్జాగా బయట తిరుగుతున్నారు. పేదవాడికి ఉచితంగా సినిమా చూపించిన వాడు జైల్లో ఉన్నాడు."మల్లన్న అడిగిన ఈ ప్రశ్నలో ఎంత వాస్తవం ఉందో ప్రతి సామాన్యుడికి తెలుసు. చట్టం దృష్టిలో రవి చేసింది తప్పు కావచ్చు, కానీ ధర్మం దృష్టిలో చూస్తే.. ప్రజల రక్తం తాగుతున్న థియేటర్ మాఫియాది అంతకంటే పెద్ద తప్పు అనేది మల్లన్న వాదన. ప్రజల పట్ల మల్లన్న సానుభూతి ఒక కూలి పని చేసుకునేవాడు, ఒక ఆటో డ్రైవర్, లేదా చాలీచాలని జీతాలతో బ్రతికే ఉద్యోగి.. వీరు తమ కుటుంబంతో సినిమాకు వెళ్లాలంటే భయపడే పరిస్థితి ఎందుకు వచ్చింది? దీనిని మల్లన్న చాలా లోతుగా అర్థం చేసుకున్నారు."ఏసీ రూముల్లో కూర్చుని కోట్లు గడించే హీరోలకు, పేదవాడి కష్టాలు ఏం తెలుస్తాయి?" అంటూ మల్లన్న ప్రశ్నించిన తీరు పేదవాడి గుండె చప్పుడును వినిపించింది.వినోదం అనేది కొందరి ఆస్తి కాకూడదని, అది అందరికీ అందుబాటులో ఉండాలన్నది ఆయన ఆవేదన. 

*దోపిడీదారులపై కన్నెర్ర* 

ప్రజలను "ప్రేక్షకులు"గా కాకుండా "ఏటీఎం మిషన్లు"గా వాడుకుంటున్న థియేటర్ నిర్వాహకులపై మల్లన్న తీవ్ర ఆగ్రహం వ్యక్తం చేశారు.రేట్లు తగ్గించండి.. పైరసీ దానంతట అదే పోతుందిఅనేది మల్లన్న లాజిక్. టికెట్ రేట్లు, స్నాక్స్ రేట్లు సామాన్యుడికి అందుబాటులో ఉంటే, వాడు క్వాలిటీ లేని ఫోన్లో సినిమా ఎందుకు చూస్తాడు?అత్యాశతో థియేటర్లను షాపింగ్ మాల్స్ లా మార్చేసి, ఇప్పుడు పైరసీ అంటూ గగ్గోలు పెట్టడం విడ్డూరంగా ఉందని ఆయన మండిపడ్డారు.ఇది కేవలం మద్దతు కాదు.. ఒక హెచ్చరిక!తీన్మార్ మల్లన్న ఐబొమ్మ రవికి మద్దతు ఇవ్వడం అంటే.. నేరానికి మద్దతు ఇవ్వడం అని కాదు. అది వ్యవస్థలో ఉన్న లోపాలను ఎత్తి చూపడం. "మీ దోపిడీ ఆగేంత వరకు.. మరో రవి పుట్టుకొస్తూనే ఉంటాడు" అని చెప్పకనే చెప్పారు.సామాన్యుడి జేబులు గుల్ల చేస్తున్న బడా బాబుల గుండెల్లో రైళ్లు పరిగెత్తించిన మల్లన్న వ్యాఖ్యలకు జనం బ్రహ్మరథం పడుతున్నారు. నిజమే కదా.. ప్రజల మనిషి ఎప్పుడూ ప్రజల పక్షమే ఉంటాడు.