*ఉచిత ఆరోగ్య శిబిరం పేరుతో ప్రజల ప్రాణాలతో చెలగాటం* 

– క్లినికల్ ట్రయల్స్ మాటున డబ్బు సంపాదన

– ఉచిత వైద్య సేవలు అందించే ఆసుపత్రులను నమ్మి ప్రాణాల పై తెచ్చుకోకూడదు 

ఇటీవల కాలంలో గ్రామీణ ప్రాంతాలు, పేద వర్గాల వారికి "ఉచిత ఆరోగ్య శిబిరం" పేరుతో వైద్య సేవలు అందించడం అనేది ఒక సాధారణ దృశ్యంగా మారింది. కానీ, ఈ సేవా కార్యక్రమాల మాటున కొందరు ప్రైవేటు ఆసుపత్రిల డాక్టర్లు, ఫార్మా కంపెనీల అండదండలతో సాగిస్తున్న చీకటి వ్యాపారం గురించిన కథ ఇది. వారి ద్యేయం డబ్బు సంపాదించడమే తప్ప, ప్రజల ఆరోగ్యం కాదు. క్లినికల్ ట్రయల్స్ పై అక్షరవిజేత అందిస్తున్న ప్రత్యేక కథనం.

అక్షరవిజేత, ఎడిటర్ డా.బి,అనిల్ కుమార్/ తెలంగాణ:

 ఆకర్షణీయమైన ఉచిత శిబిరాలు అందమైన బ్యానర్లు, పెద్ద పెద్ద ప్రకటనలతో, పేరున్న డాక్టర్ల బొమ్మలతో ఈ ఉచిత శిబిరాలు ఏర్పాటు చేయబడుతున్నాయి. ముఖ్యంగా సుదూర ప్రాంతాలలో, వైద్య సదుపాయాలు తక్కువగా ఉన్న ఊళ్ళలో వీటిని నిర్వహిస్తున్నారు. ఈ శిబిరాలకు వచ్చే ప్రజలకు కొన్ని సాధారణ పరీక్షలు, తక్కువ ఖర్చుతో కూడుకున్న మందులు ఇస్తారు. ఇదంతా వారి నమ్మకాన్ని గెలుచుకోవడానికి వేసిన తొలి అడుగు.

 *క్లినికల్ ట్రయల్స్ ప్లాన్ – మాయ మాటలు*

ఈ శిబిరాలకు వచ్చిన రోగులలో, కొన్ని నిర్దిష్ట లక్షణాలు (ఉదాహరణకు, దీర్ఘకాలిక వ్యాధులు, కొద్దిపాటి గుండె జబ్బులు, మధుమేహం) ఉన్న వారిని గుర్తించి, ప్రైవేటు ఆసుపత్రికి పంపిస్తారు. అక్కడ డాక్టర్లు వారిని లొంగదీసుకునేందుకు ఈ విధంగా మాట్లాడతారు."మీ జబ్బు కొంచెం ముదిరింది. కానీ, మా దగ్గర కొత్త, అద్భుతమైన ఔషధం ఉంది. దీని ధర చాలా ఎక్కువ. కానీ, మీరు మా హాస్పిటల్‌కు మంచిపేరు తెస్తారు కాబట్టి, మీకు ఉచితంగా ఈ మందును ఇస్తాం. మీరు కేవలం కొన్ని రోజులు ఆసుపత్రిలో ఉండాలి, మేము చెప్పినట్లు చేయాలి."ఆధునిక వైద్యం, ఉచిత చికిత్స అనే మాటలకు ఆశపడి, పేద ప్రజలు వీరికి సులభంగా చిక్కుతారు. నిజానికి, ఈ "కొత్త ఔషధం" అనేది ఫార్మా కంపెనీలు తయారు చేసిన, ఇంకా పూర్తిస్థాయిలో అనుమతి పొందని క్లినికల్ ట్రయల్ ఔషధం (ప్రయోగ ఔషధం). రోగికి దాని వల్ల కలిగే దుష్ప్రభావాల గురించి, లేదా అసలు అది పరీక్షించబడుతున్న ఔషధం అనే విషయాన్ని వారికి చెప్పరు.

 *ధనమే ద్యేయం* 

ఈ ప్రైవేటు డాక్టర్లు మరియు ఆసుపత్రిల అంతిమ లక్ష్యం ఒకటే డబ్బు సంపాదించడం. ప్రతి రోగిని క్లినికల్ ట్రయల్స్‌కు వాడినందుకు, ఫార్మా కంపెనీల నుండి వీరికి భారీ మొత్తంలో డబ్బులు ముడతాయి.ఒకవైపు, పేషెంట్‌కు ఉచిత చికిత్స ఇస్తున్నామని గొప్పలు చెప్పుకుంటారు. మరోవైపు, రోగులను తమ ప్రయోగాలకు వాడుకుంటూ, వారి జీవితాలను ప్రమాదంలోకి నెట్టి, ఫార్మా కంపెనీల నుంచి వేల కోట్ల రూపాయలు ఆర్జిస్తారు.రోగికి ఆ ఔషధం వల్ల తీవ్రమైన ఆరోగ్య సమస్యలు తలెత్తినా, వాటిని కప్పిపుచ్చడానికి డాక్టర్లు ప్రయత్నిస్తారు. "ట్రీట్‌మెంట్ సరిగా పని చేయలేదు" అని చెబుతూ, తప్పంతా రోగి మీదకు నెట్టివేస్తారు. ప్రజల ప్రాణాల విలువ వీరి దృష్టిలో కేవలం ఒక ఆర్థిక లాభంగానే మారుతోంది.

 *ప్రజల ప్రాణాలతో చెలగాటం* 

ఇలా క్లినికల్ ట్రయల్స్‌లో ఉపయోగించబడిన వారికి భవిష్యత్తులో తీవ్రమైన ఆరోగ్య సమస్యలు వచ్చే అవకాశం ఉంది. కొన్ని సందర్భాలలో ప్రాణాలు కోల్పోయిన సంఘటనలు కూడా వెలుగు చూశాయి. పేదరికం, నిరక్షరాస్యతను ఆసరాగా తీసుకుని, వారి నిస్సహాయతను పెట్టుబడిగా మార్చుకుంటున్న ఈ వ్యాపారం మానవత్వానికే పెద్ద మచ్చ.ప్రభుత్వం దీనిపై కఠినమైన చర్యలు తీసుకోవాలి. క్లినికల్ ట్రయల్స్ పారదర్శకంగా జరగాలి. ప్రతి రోగికి ఔషధం వివరాలు, దాని వల్ల కలిగే నష్టాల గురించి స్పష్టంగా, వారి మాతృభాషలో వివరించాలి. లేదంటే, ఈ "ఉచిత ఆరోగ్య శిబిరాల" మాటున ప్రజల ప్రాణాలను బలితీసుకునే దారుణం కొనసాగుతూనే ఉంటుంది.

క్లినికల్ ట్రయల్స్‌లో జరిగిన దుర్వినియోగం గురించి భారతదేశంలో గతంలో వెలుగులోకి వచ్చిన, ప్రజల ప్రాణాలతో చెలగాటమాడిన క్లినికల్ ట్రయల్స్‌ జరిగిన కేసు స్టడీ గురించి వివరంగా పరిశీలిస్తే క్లినికల్ ట్రయల్స్ దుర్వినియోగం ఉదంతం.భారతదేశంలో 2000ల మధ్యకాలం నుండి 2010ల ప్రారంభం వరకు క్లినికల్ ట్రయల్స్‌లో జరిగిన దుర్వినియోగంపై అనేక ఆందోళనలు వ్యక్తమయ్యాయి. వీటిలో అత్యంత బాధాకరమైన ఉదంతాలు మధ్యప్రదేశ్ రాష్ట్రంలో నమోదయ్యాయి.2008 – 2010 మధ్యకాలంలో మధ్యప్రదేశ్ రాష్ట్రంలోని భోపాల్ మరియు ఇండోర్‌లోని ప్రభుత్వ, ప్రైవేటు ఆసుపత్రులు.ఈ ట్రయల్స్‌ను నిర్వహించిన సంస్థలు నిరక్షరాస్యులు, నిరుపేదలు, మరియు గిరిజన ప్రాంతాల ప్రజలను లక్ష్యంగా చేసుకున్నాయి. వీరు తమ హక్కుల గురించి, వైద్య ప్రయోగాల గురించి అవగాహన లేనివారు.ఆరోగ్య శిబిరాలు/నకిలీ కన్సెంట్‌ ద్వారా ప్రజలను ఉచిత ఆరోగ్య శిబిరాల ద్వారా లేదా ఆసుపత్రులలో ఉచిత చికిత్స ఇస్తామని నమ్మించి రిక్రూట్ చేసుకున్నారు.ట్రయల్స్‌లో పాల్గొనడానికి రోగి నుంచి సమ్మతి పత్రం తీసుకోవడం తప్పనిసరి. అయితే, డాక్టర్లు రోగులకు ఏ మాత్రం అర్థం కాని ఆంగ్లంలో లేదా వైద్య పరిభాషతో నిండిన పత్రాలపై వారి వేలిముద్రలు లేదా సంతకాలు తీసుకున్నారు. రోగికి వారు కేవలం పరీక్ష ఔషధానికి లోనవుతున్నారనే విషయాన్ని స్పష్టంగా చెప్పలేదు.ముఖ్యంగా క్షయ మానసిక ఆరోగ్య సమస్యలు క్యాన్సర్ వంటి దీర్ఘకాలిక వ్యాధులతో బాధపడుతున్న పేద రోగులపై ఈ ప్రయోగాలు జరిపారు.ఈ ట్రయల్స్‌లో పాల్గొన్న అనేక మంది రోగులు తీవ్రమైన ఆరోగ్య సమస్యలకు గురయ్యారు. కొన్ని నివేదికల ప్రకారం, ఈ సమయంలో ఎంపీలో సుమారు 4,000 మంది రోగులు క్లినికల్ ట్రయల్స్‌లో పాల్గొనగా, దాదాపు 49 మందికి పైగా రోగులు మరణించినట్టు అంచనా. ఈ మరణాలు మరియు అనారోగ్యాలు ప్రయోగించిన ఔషధాల వల్లనే జరిగాయని ఆరోపణలు వచ్చాయి.ఈ ఉదంతాలు మరియు దేశవ్యాప్తంగా వచ్చిన ఇతర ఫిర్యాదుల కారణంగా సుప్రీంకోర్టులో ప్రజా ప్రయోజన వ్యాజ్యాలు దాఖలయ్యాయి. సుప్రీంకోర్టు జోక్యం చేసుకొని ఈ క్లినికల్ ట్రయల్స్ దుర్వినియోగాన్ని తీవ్రంగా పరిగణించింది. ట్రయల్స్‌ను నియంత్రించడానికి, మానవ హక్కులను కాపాడటానికి కఠినమైన నిబంధనలను రూపొందించాలని ఆదేశించింది.2013 తర్వాత భారత ప్రభుత్వం డ్రగ్స్ అండ్ కాస్మెటిక్స్ చట్టం కింద క్లినికల్ ట్రయల్స్‌కు సంబంధించి మరింత పటిష్టమైన నియమ నిబంధనలను తీసుకొచ్చింది. ఇందులో ట్రయల్స్‌లో మరణించిన లేదా గాయపడిన రోగులకు నష్టపరిహారం తప్పనిసరి చేయబడింది.ట్రయల్స్‌ను నిర్వహించే ముందు వాటిని నైతికత పరంగా సమీక్షించేందుకు ఎథిక్స్ కమిటీల పాత్రను బలోపేతం చేశారు.డబ్బు సంపాదించడమే ద్యేయంగా పనిచేసే కొందరు వ్యక్తులు, నియంత్రణ లేని వ్యవస్థను అడ్డుపెట్టుకుని, అమాయక ప్రజల జీవితాలను ఎంత ప్రమాదంలోకి నెట్టారో తెలియజేస్తుంది.